Polonia po mbyll konsullatën ruse në qytetin perëndimor të Poznanit për shkak të tentativave të dyshuara ruse për sabotim, tha të martën Ministri i Jashtëm Radoslaw Sikorski.

Moska tha se do të hakmerrej kundër vendimit, njoftoi agjencia shtetërore ruse e lajmeve RIA.

Polonia tha se roli i saj si një qendër për transportin e furnizimeve ushtarake në Ukrainë e ka bërë atë një objektiv të spiunazhit rus dhe akteve të sabotimit dhe zjarrvënieve.

“Nëse ne dëbojmë ambasadorin, ata (rusët) sigurisht që do të bëjnë të njëjtën gjë. Kjo nuk ka ndodhur ende, por nëse aktet e sabotimit vazhdojnë, nuk mund të përjashtohet”, tha Sikorski në mbrëmje gjatë një interviste me TVP Info.