Ligjvënësit rusë ratifikojnë paktin me Korenë e Veriut pasi SHBA konfirmon se Pheniani dërgoi trupa në Rusi

Ligjvënësit rusë kanë ratifikuar të enjten një pakt me Korenë e Veriut që parashikon ndihmën e ndërsjellë ushtarake, një veprim që vjen një ditë pasi SHBA-ja konfirmoi dislokimin e 3,000 trupave të Koresë së Veriut në Rusi.

Dhoma e ulët e parlamentit rus, Duma e Shtetit, votoi me shpejtësi për të miratuar traktatin e “partneritetit gjithëpërfshirës strategjik” që presidenti rus, Vladimir Putin nënshkroi me liderin e Koresë së Veriut, Kim Jong Un në një vizitë në Phenian në qershor.

Dhoma e sipërme pritet të ndjekë shembullin së shpejti, raporton AP.