Një histori e pabesueshme nga SHBA. Plor 112 vjet pas vdekjes, autoritetet arritën të identifikojnë se kujt i përkiste.
Kafka u gjet në 1978 në murin e një banese, e cila i ishte nënshtruar rinovimit. Bëhet fjalë për Esther Granger, e cila kur vdiq ishte 17 vjeç. Në momentin kur kafka u gjet, nisën hetimet por u mbyllën pa asnjë rezultat. Kafka më pas përfundoi në një depo muzeu. Vetëm në mars 2021 punonjësit e gjetën atë përsëri gjatë një kontrolli të inventarit. Ata thirrën policinë, e cila e dërgoi kafkën në zyrën e mjekut.
Tani është e qartë: kafka i përkiste Esther Granger, e cila vdiq duke lindur fëmijën e saj në 1866 – rreth 130 kilometra nga vendi në Merrillville (shteti i Indianës). Këtë e bënë të ditur të enjten autoritetet amerikane.
Kjo që ndodhi është një mrekulli e metodave moderne të hetimit. Duke punuar me një laborator mjekoligjor në Teksas, zbatimi i ligjit ishte në gjendje të krijonte një profil të ADN-së të kafkës. Ishte aludimi i parë se mund t’i përkiste Esther Granger!
Hetuesit gjetën një stërnip të gruas që vdiq e re dhe kur krahasuan profilet e ADN-së, konfirmuan se kafka ishte e Esther Granger.
Megjithatë, mbeti e paqartë se si kafka Merrillville përfundoi në murin e një shtëpie në Batavia.
Sipas autoriteteve amerikane, të dhënat e varrimit tregojnë se Granger u varros në Lake County, Indiana. Mjeku përgjegjës dyshon se grabitësit e varreve mund ta kenë nxjerrë trupin e saj. Ai spekuloi se mund t’u ishte shitur mjekëve që donin të hulumtonin anatominë njerëzore.
