Fansat e Cristiano Ronaldos dëshmuan sërish admirimin e tyre për yllin e futbollit pasi njëri prej tyre kaloi me biçikletë 13,000 kilometra për shtatë muaj nga Kina në Arabinë Saudite për të takuar lojtarin e Al-Nassr.

24-vjeçari, Gong, filloi udhëtimin e tij nga provinca e Anhui më 18 mars të këtij viti dhe u takua me Ronaldon para klubit të futbollit Al Nassr më 20 tetor, raportoi South China Morning Post.

Gong fillimisht shkoi në veri në Pekin përpara se të shkonte deri në perëndim. Nga Xinjiang, ai u nis për në Kazakistan dhe kaloi gjashtë vende të tjera, duke përfshirë Gjeorgjinë, Iranin dhe Katarin, për të arritur në Riad, ku Ronaldo ndodhet aktualisht, sipas WION.

Superfansit i lindi ideja për të udhëtuar me biçikletë deri në Riad pasi CR7 anuloi udhëtimin e tij në Kinë në shkurt për shkak të një dëmtimi.

Në udhëtimin e tij, Gong mbajti me vete dy karikues power-bank, një tendë, enë gatimi, veshje dhe sende të tjera thelbësore.

Udhëtimi 7-mujor i Gong-ut nuk ishte pa pengesa pasi ai u përball me barriera gjuhësore në vendet ku udhëtoi, ngrënia në vende ku çmimet ishin të larta për t’iu përshtatur xhepit të tij ishte një sfidë dhe së fundi, rraskapitja që vjen me çiklizmin për një kohë kaq të gjatë.

Gong thotë se ndërsa ishte në Armeni në gusht, ai u sëmur me temperaturë të lartë dhe u rrëzua në rrugë, por ai mori trajtim falas në spital.

Kur fansi arriti në Riad më 10 tetor, ai nuk mundi të takonte Ronaldon menjëherë, por duhej të priste disa ditë pasi lojtari ishte në Evropë.

Stafi i Al Nassr-it i kishte premtuar atij një takim 1-minutësh me tifozët dhe ai madje mundi ta shihte Ronaldon në fushë live për herë të parë pasi një tifoz i ofroi Gong bileta për ndeshjen Al Nassr kundër Al Shabab.

Gong tregon se kur më në fund u takua me Ronaldon pas një udhëtimi kaq të vështirë, CR7 i shtrëngoi dorën dhe e përqafoi gjithashtu. Ai gjithashtu nënshkroi një fanellë të Al Nassr nr 7 dhe një banderolë me emrat e miqve të Gong dhe një citat të shkruar në të.