Kryetari i një qyteti verior të Austrisë u qëllua për vdekje të hënën në mëngjes dhe i dyshuari është në arrati.

Sipas mediave të huaja, përcjell Telegrafi, Franz Hofer, kryebashkiaku i Kirchberg ob der Donau, u vra në Altenfelden, pranë kufirit me Gjermaninë dhe Republikën Çeke.

Një burrë i dytë gjithashtu u qëllua për vdekje pak me vone, tha zëdhënësja e policisë së Austrisë së Epërme Ulrike Handelbauer për CNN.

I dyshuari u largua nga vendi i ngjarjes dhe një operacion policor në shkallë të gjerë me helikopterë dhe forca speciale është duke u zhvilluar, tha ajo.

“Fatkeqësisht, ne supozojmë se autori që po kërkojmë mund të jetë duke mbajtur armën”, ka thënë Handelbauer, sipas mediave lokale.

Policia i tha CNN se shkaktari i krimit dukej të ishte një mosmarrëveshje mbi të drejtat e gjuetisë.