Një 14-vjeçar është dëmtuar me thikë në këmbë teksa po luante në një ambient sportiv.

Sipas policisë së Elbasanit, dyshohet se autori është një bashkëmoshatar i 14-vjeçarit dhe shkak dyshohet se ka qenë një konflikt gjatë lojës mes dy bashkëmoshatarë.

I mituri D. R. është shoqëruar në ambientet e Policisë, së bashku me prindërit, për kryerjen e veprimeve të mëtejshme procedurale, në prani të psikologes, teksa policia ka sekuestruar thikën me të cilin u plagos i mituri.

Njoftimi i policisë:

Elbasan/Informacion paraprak

Rreth orës 13:30, ka shkuar për të marrë mjekim në spitalin rajonal të Elbasanit, shtetasi R. T., 14 vjeç, i dëmtuar lehtë, në këmbë, me mjet prerës (thikë), dyshohet nga bashkëmoshatari i tij, shtetasi D. R., si pasojë e një konflikti të castit gjatë lojës në një ambient sportiv.

I mituri D. R. është shoqëruar në ambientet e Policisë, së bashku me prindërit, për kryerjen e veprimeve të mëtejshme procedurale, në prani të psikologes.

Gjithashtu, është sekuestruar në cilësinë e provës materiale mjeti prerës (thikë).

Ndërkaq, një grup i posaçëm hetimor po punon për zbardhjen e rrethanave të rastit.

(BalkanWeb)