TIRANE

Gjatë një bisede në BBVK, Xuxi, ka folur për reagimin që pati vajza e tij, kur fitoi dëgjimin për herë të parë. Ai rrëfeu se ata jetonin në Londër dhe përmes implantit koklar, vajza e tij arriti të dëgjojë për herë të parë në moshën 3-vjeçare.

“Kur ka dëgjuar për herë të parë… se iu bë implanti më 4 janar 2010, por iu lëshuan frekuencat më 23 mars. Pas tre muajve. Reagimi i vajzës time ka qenë ky: Procesorët bam, një, në një anë dhe një në tjetrën. Që prej një qetësie absolute, ku ta di se çfarë zhurme i është dukur. Ka qenë vetëm 3 vjeç e gjysmë dhe tani i është 18 vjeçe”, ka thënë Xuxi.

Prej atij momenti, këngëtari gjithashtu deklaroi se ekspertët i sugjeruan të flasin me vajzën vetëm anglisht.

“Nuk kishte më të vështirë që t’i mësosh një fëmije 3 vjeç e gjysmë, fjalët, t’i thuash: Kjo është një gotë, këto janë syze”, u shpreh ai.