Ministri i Drejtësisë, Ulsi Manja, zhvilloi një takim me homologen e tij të Kosovës, Albulena Haxhiu.

Në një postim në rrjet, Manja shkruan se ky takim pasqyroi raportin e shkëlqyer mes dy ministrive tona dhe përkushtimin e përbashkët për drejtësi ⚖️, duke forcuar edhe më tej lidhjet mes Shqipërisë dhe Kosovës.

“U dakordësuam për marrëveshjen teknike mes Dhomave të Ndërmjetësimit, që do të nënshkruhet deri në fund të nëntorit. Diskutuam gjithashtu për përmbylljen e marrëveshjes mes dhomave të avokatisë dhe intensifikimin e bashkëpunimit gjyqësor, që do të krijojë mundësi të reja për profesionistët në të dy vendet tona.

Bashkë do të vazhdojmë të forcojmë drejtësinë dhe të sigurojmë që qytetarët tanë të kenë akses në shërbime të cilësisë së lartë”, shkruan Manja.