Kryeministri Edi Rama ka dalë jashtë “kornizës” së politikanit, duke zbuluar më shumë nga vetja teksa rrëfehej në podkastin e tij “Flasim”. Rama u shpreh se konsumon më shumë se 10 kafe në ditë, por shtoi se nuk i shkakton shqetësime.

Kreu i qeverisë zbuloi se fle shumë pak orë gjumë, ndërsa theksoi se sasia e kafesë së pi “atë pak gjumë nuk ma ngacmon”. Por, Rama u shpreh i shqetësuar se “çfarë faturash të regjistron më vonë”, referuar problemeve në shëndet në të ardhmen.

“Përballë keni njërin që pi më shumë se 10 kafe në ditë, nuk besoj se bën keq besoj. Shqetësime, dridhje, probleme nuk më krijon, madje unë nuk është se fle shumë gjumë, fle pak gjumë, por atë pak gjumë nuk ma ngacmon. Por ka një gjë, çfarë faturash të regjistron dhe kur të vijë fatura, aty është halli a ka ndonjë pasojë”, deklaroi kryeministri.

Edi Rama foli edhe për arsyen pse ka zgjedhur të hapë podkast, teksa u shpreh: “Duket sikur këtu ka vetëm politikanë që zihen, gazetarë që shahen, vetëm kriminelë dhe krime që ndodhin, dhe ndërkohë jashtë kësaj vorbulle ka një Shqipëri që është braktisur masivisht, ku të gjithë janë pleq, ku nuk ka punë. Podkast jep mundësinë që të shohin realitete që nuk i njohin, është edhe reklamë, por është free pa pagesë”, vijoi Rama.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: