Situata ka ndryshuar me Laçin. Teksa në javët e para e shikonin veten në fundin e tabelës, kurbinasit janë zgjuar dhe me uljen në stol të Moreiros kanë filluar ngjitjen.

Pavarësisht se aktualisht janë në kuotën e 11 pikëve, po aq sa Skënderbeu dhe Tirana, bardhezinjtë kanë 2 fitore dhe 2 barazime në 4 ndeshjet e fundit, duke dëshmuar formën e mirë që po kalojnë. Në Laç po bëhen gati për ndeshjen e radhës me Af Elbasanin. të cilën do ta luajnë në shtëpi.

Klubi nëpërmjet një postimi në rrjetet sociale kërkon mbështetjen e tifozërisë vendëse: “Më shumë se kurrë, çunat kanë nevojë për mbështetjen e tifozërisë bardhezi në shkallët e stadiumit! Të dielën, ora 14:00, luhet sfida e radhës në shtëpi përballë Elbasanit. Koha të mbushim tribunat sërish si dikur. Mos mungoni! Rezultatet pozitive shijojnë më shumë me tifozët pranë”, shkruhet në postim.