Sean ‘Diddy’ Combs shquhej për festat e tij ku ishin të ftuara shumë personazhe të famshëm dhe modele të reja. Së fundmi, njëra prej këtyre modeleve ka thyer heshtjen duke zbuluar se çfarë ndodhte në këto festa.

Në një intervistë me The Mirror, Precious Muir kujtoi se makinat SUV të zeza i merrnin shpesh nga shtëpitë e tyre dhe i transportonin në atë vend.

Ish-lepurushja e Playboy-t pohoi se çdo luks iu premtua për festën, duke shtuar se ofertat ishin shumë të mira për t’u refuzuar për shumë modele aspirante apo të reja. Duke ndarë përvojën e saj, ajo tha se një mikpritëse VIP iu afrua, duke i thënë:

“Unë organizoj këto festa të mrekullueshme, për gjithçka kujdesemi ne, nuk keni pse të shqetësoheni për asgjë. Ne ofrojmë akomodim, kështu që kur të shkoni në Hamptons, ka një shtëpi në të cilën mund të qëndroni, e cila është shumë e bukur, shumë luksoze, shumë elegante dhe nuk keni pse të shqetësoheni për asgjë, nuk keni nevojë të paguani për të, çdo gjë, gjithçka është e mbuluar.”

Më pas, Precious tha:

“Makina vinte e na merrte nga shtëpia. Ose, nëse do të vinim direkt nga Manhattan, SUV-të e zeza do të vinin dhe do të na merrnin nga qyteti dhe do të na çonin në Hamptons.”

Precious pranoi se ftesa në festën e Diddy-t ishte një “mundësi që vinte njëherë në jetë”, megjithatë, ajo shtoi se modelet e reja ishin të gjitha “shumë të cenueshme”.

“Ne jemi modele të reja që sapo kemi filluar, nuk kemi krijuar ende një emër, thjesht jemi futur në mes të gjithë këtyre njerëzve që janë të mirënjohur,” kujton ajo. “Njerëzit e dinin automatikisht se ne ishim fytyra të reja, ne ishim talente të reja dhe ishim shumë të prekshëm. Ne u pamë ndoshta si një pre e re, dikush i ri në këtë punë që mund të manipulojmë. Ata mund të bënin çfarë të donin në këtë drejtim,” përfundoi Precious.