Presidenti i sapozgjedhur Donald Trump nuk ka asnjë lloj liste të zezë të njerëzve që ai planifikon t’i ndëshkojë pas marrjes së detyrës, tha kongresmeni nga Florida, Byron Donalds për Fox News të dielën.
Disa zyrtarë dhe media amerikane kanë spekuluar se Trump ka një “inat kundër njerëzve që ai beson se e kanë tradhtuar atë” dhe se ai planifikon të persekutojë kritikët e tij dhe armiqtë.
“Nuk ka pasur kurrë një grup kërcënimesh si ky i bërë nga një kandidat për president të Shteteve të Bashkuara”, tha Michael Bromwich, një ish-inspektor i përgjithshëm në Departamentin e Drejtësisë të SHBA-së për The Hill përpara votimit të 5 nëntorit, në të cilin Trump mundi rivalen e tij demokrate Kamala Harris.
Megjithatë, kongresmeni Donalds i ka hedhur poshtë këto shqetësime, duke argumentuar se Trump nuk ka thënë kurrë se do ta bënte misionin e tij për të ndjekur penalisht kundërshtarët e tij.
“Për popullin amerikan që i ka dëgjuar këto gënjeshtra nga e majta demokrate, unë do t’ju them: Kjo nuk është diçka me të cilën Donald Trump ka folur ndonjëherë, ose për të cilën ai është i përkushtuar. Nuk ka ‘listë të zezë’”, tha Donalds për Fox News.
Republikani shtoi se Trump nuk ka ndërmend të përqendrojë vëmendjen e tij në ndjekjen e kundërshtarëve të tij dhe në vend të kësaj është i përkushtuar të ndihmojë popullin amerikan dhe të adresojë çështjet kryesore të vendit, si sigurimi i kufirit SHBA-Meksikë, deportimi i emigrantëve të paligjshëm dhe përmirësimi i ekonomisë dhe energji.
“Fokusi i tij është populli amerikan, jo disa ‘lista e armiqve’,” këmbënguli Donalds.
