Aktori dhe regjisori John Krasinski është emëruar nga revista People si “Mashkulli më Seksi” për vitin 2024, duke marrë titullin nga aktori i “Grey’s Anatomy”, Patrick Dempsey.

“Në fakt, se mendoja fare,” tha Krazinski për People në reagim ndaj lajmit. Aktori është ndoshta më i njohur për rolin e tij në serialin televiziv “The Office” dhe analistin me emër të CIA-s në serialin Prime Video “Jack Ryan”.

Aktori 45-vjeçar tha se nga të gjitha mundësitë që ka pasur si aktor, të qenit një familjar në jetën reale është më e dobishme.

Ai preferon të jetë një burrë dhe baba që jeton i lumtur në Bruklin me gruan e tij, aktoren Emily Blunt dhe vajzat e tyre Hazel, 10 dhe Violet, 8 vjeç.

Blunt bëri shaka se ajo planifikonte të lyente shtëpinë e tyre me kopertinën e Krazinskit.

John Kazinski
John Kazinski

“Kjo është gjëja e bukur kur je e martuar me dikë dhe vazhdimisht mëson, ndryshon dhe evoluon”, tha ajo. ” Dhe unë jam shumë me fat që po kaloj gjithë këtë me të,” shtoi ajo.

Kohët e fundit, Krazinski drejtoi komedinë “IF” dhe trilerët “A Quiet Place” dhe “A Quiet Place Part II”, me protagoniste gruan e tij.

Megjithatë, ai vuri në dukje se titulli i ri nuk do të ndryshojë gjërat në shtëpi. “Mendoj se do të më bëjë të bëj më shumë punë shtëpie”, tha ai me shaka.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: