Robert F Kennedy Jr, njeriu që Donald Trump ka emëruar për të mbikëqyrur agjencitë kryesore shëndetësore të SHBA-së, u ngrit në rëndësinë kombëtare si një nga mohuesit më këmbëngulës dhe me ndikim të vaksinave në Amerikë.
Kennedy është djali i senatorit Robert F. Kennedy dhe nipi i presidentit John F. Kennedy, të cilët u vranë në vitet 1960.
Kennedy, 70 vjeç, e mbështeti Trump pasi i dha fund fushatës së tij për president në gusht. Ai është djali i ish-prokurorit të përgjithshëm dhe kandidatit presidencial Robert F Kennedy dhe nipi i presidentit John F Kennedy.
I trajnuar si avokat mjedisor, RFK Jr fitoi famë për përhapjen e teorive konspirative dhe vënien në dyshim të kërkimit shkencor.
Ai ka përforcuar idetë se vaksinat janë të lidhura me autizmin tek fëmijët, ka promovuar idenë se HIV nuk është shkaku i SIDA-s dhe ka lidhur disa antidepresivë me rritjen e të shtënave në shkolla dhe përdorimin e një herbicidi të caktuar me rritjen e transgjinorëve mes të rinjve.
Pozicioni për të drejtuar departamentin e shëndetësisë në SHBA ka nevojë për miratimin e Senatit. Nëse miratohet, ekspertët thonë se vaksinat do të jenë “çështja e parë në tryezë”.
RFK Jr ka rekomanduar gjithashtu heqjen e fluorit nga uji i pijshëm.
Ai ka kundërshtuar ushqimet e përpunuara dhe përdorimin e herbicideve, ndërsa ka kritikuar prej kohësh fermat e mëdha tregtare dhe operacionet e ushqimit të kafshëve që dominojnë industrinë.
Ai gjithashtu dëshiron të pushojë 600 punonjës në Institutin Kombëtar të Shëndetit , i cili mbikëqyr kërkimin e vaksinave, dhe t’i zëvendësojë ata me 600 të rinj.
