Nigeria vazhdon të përballet me një numër të lartë vdekjesh të lidhura me SIDA-n, me të paktën 15,000 vdekje të regjistruara çdo vit, pavarësisht përpjekjeve të qeverisë për të frenuar përhapjen e sëmundjes, zbuloi një zyrtar lokal.
Temitope Ilori, kreu i Agjencisë Kombëtare për Kontrollin e SIDA-s (NACA), e bëri njoftimin gjatë një aktiviteti sensibilizimi në Abeokuta, kryeqyteti i shtetit Ogun në Nigerinë jugperëndimore. Ilori bëri të ditur se këtë vit në vend janë raportuar mbi 22 mijë raste të reja me HIV, virusin që çon në SIDA.
“Përafërsisht 140,000 fëmijë nga mosha 0 deri në 14 vjeç jetojnë aktualisht me HIV,” shtoi Ilori, duke theksuar sfidën e vazhdueshme me të cilën përballet vendi në menaxhimin e sëmundjes. Ai vuri në dukje rritjen e normave të prevalencës së HIV-it, veçanërisht në mesin e popullatës së re.
Pavarësisht përpjekjeve të vazhdueshme për të luftuar epideminë, Nigeria ende lufton me parandalimin e transmetimit të HIV-it nga nëna tek fëmija, i cili mbetet një pengesë e rëndësishme në përgjigjen kombëtare ndaj sëmundjes.
Sipas të dhënave zyrtare, vetëm në vitin 2023, Nigeria regjistroi 75,000 infeksione të reja me HIV dhe 45,000 vdekje të lidhura me HIV/AIDS.
(A.A/BalkanWeb)
