Sulmuesi i Shqipërisë, Jasir Asani dha opinionin e tij në prag të ndeshjes ndaj Çekisë në Stadiumin Kombëtar. Në një intervistë për TV Klan, ylli kuqezi tha se skuadra kuqezi duhet të futet në  fushë me mentalitet fituesi, pasi vetëm kështu mund t’ia dalë.

“Po kaloj një formë shumë të mirë tek ekipi, çdo stërvitje, çdo ndeshje po bëj maksimumin që të jemi në formë më të mirë për Kombëtaren. Nuk ka rëndësi kush shënon unë, sulmuesët e tjerë, apo mesfushorët, por të shënojmë dhe të marrim 3 pikët.

Do të jetë stadium plot me tifozë dhe duhet të vijnë që të na mbështesin, pasi na duhet mbështetja e tyre. Tifozët meritojnë çdo gjë, fitore çdo ndeshje. Nëse futemi me mentalitet fituesi dhe të jemi të gjithë bashkë, besoj se do t’ia dalim. Kemi një Kombëtare shumë të fortë sidomos në shtëpi jemi shumë të fortë” – tha ai.

(J.S/BalkanWeb)