Rusia mbetet e gatshme të normalizojë marrëdhëniet me SHBA-në, por duhet të shohë hapa reciprokë nga Uashingtoni, tha zëdhënësi i Kremlinit, Dmitry Peskov.

“Nuk është Rusia ajo që nisi këtë garë sanksionesh. Ajo u iniciua nga Uashingtoni,” tha ai. Zëdhënësi shtoi se “Rusia, siç thotë presidenti Putin, është e hapur për normalizim” me SHBA.

“Por ne nuk mund të kërcejmë tango vetëm dhe ne nuk kemi ndërmend ta bëjmë këtë”, tha Peskov.

Udhëheqësi rus ka vënë në dukje se presidenti i zgjedhur i SHBA-së, Donald Trump, kishte “shprehur ndjenja të bashkëpunimit” gjatë fushatës së tij. Megjithatë, ai shtoi se “do të duhet të shohim se si do të ndodhë kjo në praktikë”.

Në fjalimin e tij të fitores më 6 nëntor, Trump tha se ndërsa është në Shtëpinë e Bardhë ai do të “ndalojë luftërat”, jo të fillojë të reja. Ai gjithashtu kishte premtuar më parë se do të gjente një zgjidhje të shpejtë diplomatike për konfliktin midis Rusisë dhe Ukrainës.