Pasojat e skandalit të Rumani-Kosovë, ku pati thirrje-antishqiptare, vijojnë të ndihen ende.

Së fundmi, sulmuesi nga Kosova, Astrit Selmani, i cili kryeson listën e golashënuesve në elitën e futbollit rumun, ka thënë se nuk është pritur mirë nga tifozët e Petrolul, në sfidën ku skuadra e tij, Dinamo Bukuresht, fitoi me shifrat 0-1.

“Duhej të kishim shënuar katër ose pesë gola, nuk kam pasur kurrë në karrierë kaq shumë raste të pastra. Luajta mirë, diferenca në fushë ishte shumë herë më e madhe nga ajo që tregon rezultati. Ata më mallkuan nga nëna, babai, motra. Një nga lojtarët e tyre mi vështirësoi akoma edhe më shumë gjërat, Marian Huja.

Tifozët po më fyenin dhe po më provokonin, por nuk është hera e parë që më shajnë në këtë mënyrë”, tha Selmani, i cili ishte edhe autori i golit të vetëm të ndeshjes.

(J.S/BalkanWeb)