Transferohet në burgun e të miturve autori i vrasjes së 14-vjeçarit Martin Cani. Autori M.P., gjithashtu 14 vjeç ndodhej në një spital privat prej ditës së ngjarjes, teksa sot u transferua në burgun e të miturve.

Gazetarja Klodiana Lala raportoi më herët se zyrtarët e burgjeve kanë njoftuar sot policinë, pasi mjeku i spitalit privat ku po merrte ndihmën mjekësore autori, nuk pranonte të plotësonte epikrizën.

Autori, ishte shtruar në një spital privat që në momentin pas krimit, pasi në monetin kur ka sulmuar Martin Canin, është dëmtuar edhe vetë me thikë.

Ndaj 14-vjeçarit është vendosur masa e sigurisë “Arrest me burg”, masë e cila iu komunikua në abientet e spitalit.