Partizani ka mbyllur në mënyrën e duhur ndeshjen me Laçin, duke marrë fitoren e dytë radhazi. Ditën e djeshme skuadra ka qenë pushim dhe nga sot të gjithë kthehen në “Arenën e Demave” në atë që quhet java e derbit.

Të kuqtë gëzojnë një situatë shumë të mirë në renditje, çka i shton edhe besimin në aspektin emocional, teksa dëmtimet duket se janë shqetësimi i vetëm i stafit teknik. Tedi Cara ka pasur shqetësim muskulor përgjatë dy javëve të fundit dhe nuk u aktivizua asnjë minutë kundër Laçit, pavarësisht se ishte i gatshëm në stol.

Nëse për Carën shanset për të qenë në fushë janë të mëdha, e vështirë është situata për Adnard Mehmetin. Mesfushori mungoi ndaj Laçit për shkak të një tërheqjeje muskulore dhe shanset më të mëdha janë që të mungojë edhe në derbi.