Piloti i Moto GP Andrea Iannone është fotografuar nga paparazzët në një konflikt të ashpër verbal me partnerern e tij, këngëtaren e mirënjohur Elodie.

Dyshja është fotografuar në dalje të një restoranti në Romë, teksa shihet fillimisht piltoi Iannone, i cili del me nxitim nga restoranti ku çifti po darkonte, e më pas edhe partnerja e tij Elodie, e cila reflektonte falë mimikës së saj faktin se sapo kishte dalë nga një diskutim aspak miqësor me Andrean.

Ende nuk dihen shkaqet që mund të kenë çuar çiftin në këtë konflikt të ashpër, por sipas mediave rozë, kjo nuk përbën aspak çudi, duke njohur karakterin e tyre si dhe faktin se edhe në të shkuarën ata kanë patur përplasje të forta. Nuk dihet ende por ndoshta përplasja mes tyre e kësaj fundjave mund të rezultojë të jetë edhe e fundit, me mediat rozë që parashikojnë se historia e dashurisë mes tyre tashmë është drejt fundit.