Protestuesit e financuar nga perëndimi po përpiqen të “ndryshojnë regjimin” në Serbi, por qeveria nuk ka ndërmend të heqë dorë, ka thënë presidenti Aleksandar Vuçiç, duke e krahasuar veten me liderin e rrëzuar sirian Bashar al Assad.

Serbia ka këmbëngulur për neutralitet në konfliktin Rusi-Ukrainë dhe nuk i është bashkuar sanksioneve të BE-së kundër Moskës, pavarësisht presionit në rritje nga blloku që zyrtarisht shpreson të bashkohet një ditë.

Ndërsa qeveria siriane u rrëzua gjatë fundjavës, disa aktivistë të opozitës në Serbi e krahasuan Vuçiçin me Assadin dhe dëshironin ta shihnin edhe atë të largohej nga vendi.

“Nëse ata mendojnë se jam si Assadi dhe se do të iki diku, nuk do ta bëj”, tha Vuçiç në një video postim në Instagram të hënën vonë.

“Unë do të luftoj për Serbinë dhe do t’i shërbej vetëm popullit tim,” shtoi presidenti. Unë kurrë nuk do t’u shërbej të huajve, apo atyre që dëshirojnë të mposhtin, poshtërojnë dhe shkatërrojnë Serbinë.

Vuçiç i quajti protestuesit e opozitës si agjentë të fuqive të jashtme, të financuar nga jashtë si pjesë e “taktikave hibride për të minuar vendin”.