Detaje të reja janë zbuluar në lidhje me operacionin e përbashkët Kosovë-Shqipëri në lidhje me goditjen ndaj trafikut të armëve. Gazetari Igli Çelmeta ka siguruar emrat e personave të arrestuar.
Bëhet fjalë për :
Euxhenio Manushi 20-vjeç
Endri Papa 34-vjeç
Aurel Manreka 28 vjeç
Gersi Llozha 22 vjeç
Kleu Mucalliu 26-vjeç; dhe
Tonin Shkami 53-vjeç.
Një nga personat e arrestuar, Euxhenio Manushi, është djali i muzikantit Adriano Manushi, i njohur si Ad Sybardhi.
Në sajë të operacionit janë janë gjetur 22 armë zjarri ‘Zoraki’, një armë zjarri Ak 47, një granatë dore dhe 470 fishekë të llojeve të ndryshme. Gjithashtu u janë sekuestruar edhe 3 automjete dhe shuma të konsiderueshme parash e 10 aparate celulare.
Ndërkohë me date 10 në Kosovë u arrestuan persona prej grupit kriminal.
Këtyre u janë sekuestruar 29 pistoleta dhe 3 armë të gjata të modeleve të ndryshme, 2635 fishekë/municion të modelit të ndryshëm, 2 automjete dhe pajisje tjera.
Mësohet se armët i merrnin nga Turqia dhe modifikoheshin në Kosove, ndërsa pjesa tjetër merrej nga Serbia.
Transporti i tyre bëhej me autobusë dhe automjete të vogla, ndërsa secila nga armët shiteshin nga 800 deri në 1 mijë euro.
Grupi nuk trafikonte arme vetëm në Shqipëri, por edhe nga Kosova drejt vendeve të Bashkimit Europian.
(BalkanWeb)
