Sot në mëngjes, policia ka kryer kontrolle në shtëpitë e ish-zv kryeministrit të Maqedonisë së Veriut Artan Grubi dhe ish-drejtorit të Lotarisë së RMV, Përparim Bajrami.

Burime pranë MPB i kanë thënë mediave maqedonase se bastisjet janë bërë për dyshimet për krim në Lotarinë Kombëtare. Artan Grubi nuk është gjendur në banesë dhe mësohet se ai ndodhet në Kosovë. Ai ka thënë se ndodhet në Kosovë në një vizitë private dhe se do rikthehet në RMV.

Gjatë kontrollit në shtëpinë e ish-drejtorit të Lotarisë në Maqedonisë, Përparim Bajrami, edhe ai nuk është gjendur në banesë. Dyshohet se Bajrami ka ikur jashtë vendit disa muaj më parë, ndërsa familjarët kanë deklaruar se ai do kthehet sërish.

Burime nga Ministria e Brendshme e Maqedonisë së Veriut kanë thënë se në shtëpinë e ish-drejtorit Përparim Bajrami janë gjetur 50 mijë franga zvicerane.

(Balkanweb)