E diela në NBA dhuroi të tjera sfida emocionuese. Ndeshja kryesore që tërhoqi më shumë vëmendjen ishte ajo e zhvilluar mes Golden Statte Warriors dhe Dallas Mawericsk.
Pas një ndeshje spektakolare, ekipi i Dallas fitoi 143-133 ndaj Golden State. Shkëlqeu si përherë Luka Doncic, protagonist me një “triple double” (45 pikë, 11 rebound e 13 asist), ndërsa 29 pikët e Wiggins për vendasit nuk mjaftuan për të shmangur humbjen.
Fitore e lehtë për Boston, e cila fitoi 112-98 në fushën e Washington, duke forcuar pozitat në vendin e dytë në Konferencën e Lindjes. Takim ku Celtics diktuan në fushë, me 7 lojtarë që realizuan mbi 10 pikë. Tatum me 28 pikë e 12 rebound ishte më i miri për miqtë.
Rikthehet te suksesi edhe skuadra e Lakers, që mundi 116-110 rivalët e Memphis, në një ndeshje të ekuilibruar. Ndeshje magjike për Anthony Davis, që realizoi 40 pikë e 16 rebound, lider në fushë për kalifornianët..
Jashtë fushe fiton edhe Minnesota, që falë 26 pikëve të Edwards mundi 106-92 San Antonio, ndërsa Phoenix triumfoi 116-109 ndaj Portland, sfidë ku diferencën në fushë e bëri Devin Booker me 28 pikë.
