Ambasadori amerikan në Kosovë, Jeff Hovenier, ka folur për arrestimin e një shtetasi të Kosovës nga Peja, i cili dyshohet për vrasje në SHBA.

Në një shkrim në llogarinë zyrtare në platformën “X”, Hovenier tha se javën e kaluar është përdorur Traktatin e Ekstradimit SHBA-Kosovë për të dërguar të dyshuarin Ahmet Gashi nga Kosova në Shtetet e Bashkuara për t’u përballur me gjyqin.

“Ne i vlerësojmë shumë autoritetet kosovare për ndihmën e qeverisë amerikane në këtë rast. Angazhimi ynë i përbashkët për forcimin e sundimit të ligjit vazhdon t’i bëjë vendet tona më të sigurta”, ka shkruar Hovenier.

Ndërkaq sipas dokumentit që ambasadori amerikan ka shpërndarë në rrjetin X, thuhet se Ahmet Gashi kishte ikur në Kosovë pasi dyshohet se ka shtypur për vdekje një kalimtar në SHBA.

“Prokurori i rrethit të Bronx-it, Darcel D. Clark, njoftoi  se një burrë në Bronx u soll para drejtësisë për vrasjen e një kalimtari të pafajshëm në vitin 2006 kur ai udëhtoi me S.U.V. në një turmë në Belmont Avenue pas një sherri në bar”. “Pas 18 vitesh largimi nga autoritetet, i pandehuri po përballet me drejtësi”.

“Falenderoj SHBA-në Departamenti i Shtetit, Zyra e Departamentit Amerikan të Drejtësisë për Çështjet Ndërkombëtare, U.S. Marshals Service, dhe autoritetet kosovare për ndihmën e tyre në kthimin e të pandehurit që të mbyllim këtë rast të vrasjes së pakuptimtë”, thuhet në dokument.

Sipas Prokurorit të Qarkut, Clark tha se Ahmet Gashi, i njohur si Ahmet Arifi, 42 vjeç, ishte akuzuar për dy pika, të vrasjes së shkallës së dytë, vrasjes nga pakujdesia e shkallës së parë dhe rrezikimit të pamatur të shkallës së parë.

Ai doli para gjyqtares së Gjykatës së Lartë të Bronksit, Brenda Rivera, më 16 dhjetor 2024. Ai do të kthehet në gjykatë më 16 janar 2025. Sipas hetimeve, më 31 dhjetor 2006, rreth orës 04:35, Gashi, hyri në një debat dhe përleshje fizike në restorantin dhe barin Moonlight në 2370 Avenue Belmont, shkruan Telegrafi.

Pasi u dëbua, Gashi vazhdoi të debatonte me njerëzit jashtë lokalit dhe iu tha të largohej. Gashi dyshohet se ka hipur në automobilin e tij të zi, ka shkuar me shpejtësi në trotuar dhe ka shpërndarë një turmë njerëzish dhe goditi Kemal Kolenoviq, 28 vjeç. Kolenoviq, një kalimtar i pafajshëm, u hodh në rrugë nga përplasja fillestare dhe vdiq nga plagët e marra. Gashi sipas aktakuzës, ka ikur në Kosovë dhe u ekstradua në SHBA më 13 dhjetor 2024.

Çështja po ndiqet penalisht nga avokati i lartë i vrasjeve Timothy Collins Byroja e Vrasjeve nën mbikëqyrjen e Christine Scaccia, Shefe e Byrosë së Vrasjeve, dhe mbikëqyrjen e përgjithshme të James Brennan, Zëvendës Shefit të Divizionit të Gjyqit dhe Terezës.