Gëzuar Krishtlindjet nga Duka dhe Dukesha e Sussex-it!

Princi Harry dhe Meghan Markle ndanë një pamje të rrallë të dy fëmijëve të tyre në kartolinën e tyre familjare për Krishtlindjet 2024.
“Në emër të zyrës së Princit Harry dhe Meghan-it, Dukës dhe Dukeshës së Sussex-it, Archewell Productions dhe Archewell Foundation, ju urojmë një sezon të lumtur festash dhe një vit të ri plot gëzim,” lexohej në mesazhin e tyre të publikuar të hënën.

Kartolina digjitale përmbante gjashtë fotografi, përfshirë një që tregonte Princin Archie, 5 vjeç, dhe Princeshën Lilibet, 3 vjeç.
Në foto, familja prej katër anëtarësh shfaqet në një moment të ëmbël jashtë, ku fëmijët janë kthyer me shpinë nga kamera.

Lilibet kishte veshur një fustan me lule dhe çorape të bardha deri tek gjuri ndërsa vraponte drejt babait të saj, i cili ishte ulur me krahët hapur për një përqafim. Flokët e saj të kuqe binin deri tek shpatullat.

Ndërkohë, Archie, i veshur me një pulovër jeshile dhe xhinse, ecte drejt krahëve të hapura të Markle, ndërsa rreth tij luanin tre qentë e familjes.

Kartolina përfshinte gjithashtu tre foto të Princit Harry dhe aktores së “Suits”, duke buzëqeshur gjatë daljeve të përbashkëta, përfshirë një nga udhëtimi i tyre në Kolumbi.

Përveç kësaj, kishte edhe një foto për secilin prej tyre. Markle u fotografua duke përqafuar një vajzë të vogël në një event bamirësie, ndërsa Harry u kap duke mbajtur dorën e një pacienti në një spital.

Ky kolazh festiv vjen në një kohë kur çifti ka qenë shpesh në vëmendjen e medias për daljet e tyre individuale. Harry ka reaguar ndaj spekulimeve për divorc, duke bërë shaka se ai dhe Meghan “me sa duket … kanë blerë ose ndryshuar shtëpi 10-12 herë … dhe janë divorcuar ndoshta po aq herë.”

Çifti është i martuar që nga maji 2018 dhe jeton në Montecito, Kaliforni, së bashku me Archie dhe Lilibet, të cilët kanë ardhur në jetë në vitet 2019 dhe 2021, përkatësisht.