Ka tronditur me fjalët e dhimbjes që nëna e Martin Canit ka thënë sot në marshimin e organizuar për vrasjen e të birit.
Florina Cani ka kërkuar drejtësi për të birin, ndërsa përr News24 ka zbuluar se ende nuk është kontaktuar nga prindërit e autorit të vrasjes, 14-vjeçarit Mario Përlleshajt.
“Duhet të më kontaktonin dhe të më shpreheshin se kishin të njëjtën dhimbje me mua, pasi Martini im sot është në dhe”, kanë qenë fjalët e saj, ndërsa ka shtuar se kur mori vesh që autori ishte i mitur nuk foli asnjë fjalë, por se priste një reagim.
“Martini nuk u vra pasdite apo në orarin kur kishte mbaruar puna. Ndryshe do të ishte përgjegjësia ime. Martini ishte një fëmijë shumë i sjellshëm, Dua drejtësi dhe vetëm drejtësi! Më parë isha mësuese në fshat dhe i ndiqnim fëmijët me sy deri në momentin që iknin nëpër rrugica. Ne nuk na njoftuan kurrë.
Nuk më dha askush një sinjal, nëse do ta dija… unë e njoh më shumë fëmijën tim. Kam qenë në gjendje shumë të rëndë. Nuk e dija kush ishte autori, kur mora vesh që ishin bashkëmoshatarë nuk fola asnjë fjalë sepse janë fëmijë. Por prindërit e tij duhet të reagonin duhet të thonin kemi të njejtën dhimbje si ju! Unë e kam në dhe sot fëmijën, nuk më vjen më”, tha nëna e Martin Canit.
(BalkanWeb)
