Përballë shkodranëve të gjymtuar nga dëmtimet e shumta dhe me formacion të improvizuar, të kuqtë gjetën golin shumë shpejt me Carën pas një asisti të Rrapajt. Më pas, ata shpërdoruan mundësi të shumta shënimi para të riut Jukaj, i cili ishte vendimtar në shumë raste.

Por në pjesën e dytë, ai u dorëzua përsëri përballë aftësive të Rrapajt i cili shënoi një gol spektakolar për të vendosur në kasafortë tri pikët për ekipin e tij, në atë që pritet të jetë ndeshja e tij e fundit me të kuqtë para transferimit.

PARTIZANI-VLLAZNIA 2-0
2′ Cara, 63′ Rrapaj

NGJARJET KRYESORE

90’+5’ Mbyllet ndeshja me fitoren 2-0 të Partizanit.

90’+5’ Tafili ndëshkohet me karton të verdhë pas ndërhyrjes ndaj Bytyçit.

90’+4’ Mala nga e majta gjuan në portë, por gjen grushtimin vendimtar të Qirkos.

90’+1’ Jukaj ndal gjuajtjen e Janjevës e më pas edhe tentativën nga afër të Bintsuka. (VIDEO)

90′ Jepen 4 minuta shtesë.

89’ Ismaili provon nga distanca por pa sukses duke mos gjetur portën.

86’ Shanaj merr vendin e Carës në radhët e Partizanit.

84’ Maliqi merr vendin e Delajt te Vllaznia.

77’ Dodaj nga e djathta pason për Zaganjorin, gjuajtja ballore e këtij të fundit shkon në duart e Qirkos.

76’ Rrapaj nis Bintsukën në të majtën, gjuajtja e sulmuesit ndalet nga Jukaj.

75’ Goditje e fortë e Janjevës nga e djathta, sfera nuk gjen portën dhe përfundon jashtë në shtyllën e largët. (VIDEO)

72’ Rrapaj depërton në zonë përsëri në të majtën, tentativa e tij këtë herë gjen rrjetën e jashtme të portës shkodrane. (VIDEO)

71’ Zeka lë fushën e lojës për t’i bërë vend Kekos te Partizani.

68’ Bytyçi ndëshkohet me karton të verdhë pas një faulli ndaj Dodajt.

66’ Zaganjori merr vendin e Kahrimanoviç në radhët e Vllaznisë.

63’ GOOOL PARTIZANI! Sala humb topin para zonës, Rrapaj përfiton dhe pasi i afrohet zonës, lëshon në gjuajtje të pakapshme për Jukajn. (VIDEO)

61’ Kombinim mes Rreapajt dhe Carës në të majtën, aksioni bëhet i pavlefshëm për shkak të një pozicioni jashtë loje. (VIDEO)

56’ Situata zhvendoset në anën tjetër ku Bintsuka ndalet nga Jukaj, por sinjalizohet përsëri në pozicion jashtë loje. (VIDEO)

56’ Një top harkohet në zonë nga e majta e sulmit shkodran, sfera kalon pasqyrën e portës pa u devijuar nga askush.

52’ Rrapaj nis Carën në të majtën, ndërhyrja e Bajramit shmang probleme para portës shkodrane. (VIDEO)

51’ Bytyçi merr vendin e mbrojtësit të majtë në radhët e të kuqve.

49’ Buxhelaj nuk mund të vazhdojë më për shkak të një problemi fizik dhe kërkon zëvendësim.

48’ Ismaili ndëshkohet me karton të verdhë pas një faulli ndaj Salës.

46’ Nis pjesa e dytë pa lëvizje në radhët e dy skuadrave.

45’+2’ Mbyllet pjesa e parë me avantazhin 1-0 të Partizanit.

45’+1’ Rrapaj nga e majta gjen hapësirën dhe nga fundorja kërkon një gol të pamundur, Jukaj është i vëmendshëm. (VIDEO)

45’ Jepen 2 minuta shtesë.

45’ Kahrimanoviç provon nga jashtë zonës, gjuajtja e tij kalon shumë lart mbi traversë.

43’ Krymi nuk mund të vazhdojë më dhe i lë vendin në fushë Tafilit.

39’ Protesta të Vllaznisë për një faull në sulm të dhënë në favor të Partizanit pas një dueli Dodaj-Janjeva. (VIDEO)

38’ Bintsuka shfaqet para Jukajt, por ndalet nga gardiani i kuqebluve. Aksioni bëhet i pavlefshëm për pozicion jashtë loje.

32’ Aksion i gjatë i shkodranëve me topin që kalon sa në një anë të zonës, në tjetrën, por pa gjetur hapësirën për të gjuajtur në portën e Qirkos.

32’ Dodaj nis një pasim shumë interesant në qendër për Delajn, i cili nuk ia del të devijojë para Qirkos.

30’ Buxhelaj ndëshkohet me karton të verdhë pasi hedh jashtë fushe Dodajn i cili ishte nisur në të majtën e sulmit shkodran. (VIDEO)

28’ Rrapaj nga e majta gjen hapësirë për të gjuajtur, por sfera shkon në duart e Jukajt. (VIDEO)

24’ Balaj nga e majta lëshon një gjuajtje të fortë, por sfera shkon mbi traversë.

22’ Probleme pas një përplasje me Zekën për Krymin, i cili gjithsesi provon të kthehet në fushën e lojës e vazhdojë ndeshjen.

19’ Buxhelaj nis topin në qendër për Bintsuka, i cili gjuan por ndalet nga dalja e Jukajt. (VIDEO)

17’ Rrapaj depërton në zonë nga e djathta, gjuajtja e tij ndalet nga Jukaj, më pas sfera shkon te Cara i cili gjuan në mënyrë të gabuar jashtë. (VIDEO)

14’ Bintsuka rrëzohet në zonë pas një kontakti me Pusin, gjyqtari bën shenjë që loja të vazhdojë. (VIDEO)

11’ Shfaqet rrezikshëm edhe Vllaznia me një harkim të Malës në zonë për Balajn, Preka devijon e më pas sulmuesi shkodran i cili nuk ia del të gjejë portën. (VIDEO)

6’ Tjetër rast i artë për Partizanin, pasi një harkim nga e majta gjen Bintsuka, i cili me kokë gjuan por godet traversën. (VIDEO)

2’ GOOOL PARTIZANI! Aksioni i shpejtë i të kuqve, Rrapaj pason për Carën në të majtën dhe sulmuesi nuk gabon duke çuar sferën në rrjetë. (VIDEO)

1’ Nis dueli në “Arenën e Demave”.

FORMACIONET ZYRTARE

PARTIZANI: Qirko, Janjeva, Ismaili, Zeka, Preka, Bintsuka, Buxhelaj, Taipi, Domgjoni, Rrapaj, Cara

Trajner: Aleksandër Veselinoviç

VLLAZNIA: Jukaj, Pusi, Krymi, Sala, Balaj, Kahrimanoviç, Çoba, Delaj, Bajrami, Mala, Dodaj

Trajner: Tomas Brdariç/ Panoramasport