Zhgënjim i madh në shtëpinë e Barcelonës, pas humbjes së hidhur 1-2 në shtëpi ndaj Atletico Madrid. Pas ndeshjes, mbrojtësi katalanas, Pau Cubarsi, tha se ekipi nuk duhet të kishte humbur këtë takim.

“Është e pashpjegueshme. Është faji ynë. E kishim lojën në duart tona. E shpërdoruam. Jemi të tronditur, por duhet të pushojmë dhe të fokusohemi te 2025. Ne bëmë një lojë të mrekullueshme. Shikoni rastet, pozicionin e topit… finalizimi ishte zhgënjyes. Duhet të fokusohemi më shumë në këtë. Ne donim të jepnim maksimumin nga fillimi. Kishim disa rezultate të këqija. Ne bëmë një ndeshje shumë të mirë, por humbëm për shkak të dy detajeve budallaqe që vendosën ndeshjen për ne.

Niveli ynë i lojës është i mirë, na mungon finesa përpara. Pushimi do të jetë i mirë për ne që të pushojmë dhe të kthehemi me dëshirë”- tha ai.

(J.S/BalkanWeb)