Policia njofton se një aksident automobilistik ka ndodhur këtë mbrëmje në aksin Levan-Tepelenë.

Dy makina janë përplasur me njëra-tjetrën. Për pasojë, janë plagosur shoferët e dy mjeteve. Të dy shoferët janë dërguar në spital për kurim. Të lënduar kanë mbetur edhe dy pasagjerë, që ndodheshin në njërin nga mjetet e aksidentuara.

“Rreth orës 19:00, në aksin rrugor Levan-Tepelenë, në fshatin Kashishtë, automjeti me drejtues shtetasin F. B., 35 vjeç, banues në Tepelenë është përplasur me automjetin tip “Benz”, me drejtues shtetasin P. H., 24 vjeç, banues në Fier.

Si pasojë e aksidentit janë dëmtuar dy drejtuesit e automjeteve dhe dy pasagjerët e mjetit tip “Benz”, shtetasi Xh. Ç., 23 vjeç dhe shtetasi V. K., 18 vjeç, banues në Fier, të cilët janë transportuar në spital për ndihmë mjekësore, jashtë rrezikut për jetën.

Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit”, njofton policia.

(Balkanweb)