Sot është dita e gjashtë e nisjes së aplikimeve për regjistrimin si votues të shqiptarëve që jetojnë jashtë vendit, për të marrë pjesë në procesin zgjedhor të 11 majit.

Referuar të dhënave të publikuara në faqen zyrtare të Komisionit Qendror të Zgjedhjeve, shifra e aplikimeve ka shkuar në 19.918, prej të cilave janë shqyrtuar 6.054 aplikime.

Nga këto janë aprovuar vetëm 4.213 të miratuara, pra janë refuzuar 1841 prej tyre.
Kujtojmë se personave të cilat u është refuzuar aplikimi kanë të drejtë të riaplikojnë deri në datën e përfundimit të afatit, më 4 mars.

Capture

Ashtu siç ka qenë trendi që në ditën e parë. Aplikimet janë dorëzuar më shumë nga meshkujt, me 67.2 %, ndërsa vetëm 32.8 % e aplikimeve vijnë nga femrat.

Më shumë të interesuar për të aplikuar mbeten moshat e reja, me 30.7 përqind e aplikimeve që vijnë nga grupmoshat 26-35 vjeç.

Sa i përket shteteve, përqindja e aplikimeve paraqitet si më poshtë:

-Itali 30.5%
-Greqi 22.1%
-Gjermani 15.7%.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb