Kryetari i Bashkisë së Tiranës, Erion Veliaj ka publikuar pjesë nga seanca e GJKKO-së për vlerësimin e masës së sigurisë, ku ai u përfshi në një debat të fortë me prokurorin e SPAK, Ols Dado.

Në këtë pjesë, sipas dokumentit të publikuar nga Veliaj, prokurori Ols Dado i drejtohet kryebashkiakut me fjalën: “ndyrësirë” dhe vijon më tej: “nuk ke turp, po më kërcënon”.

Veliaj shprehet se ky dialog zhvillohet në “thertoren e Erion Kasapit”, duke iu referuar gjyqtarit të GJKKO, Erjon Bani. “Kjo gjuhë dhe atmosferë, sikur Sigurimsat janë kthyer nga penxherja, pasi i nxorrëm nga dera, nuk duhet toleruar më”, shkruan Veliaj.

Postimi i kryetarit të Bashkisë së Tiranës, Erion Veliaj:

Ky është një nga dialogjet në thertoren e Erion Kasapit! Lexojeni se me çfarë gjuhe flet prokurori i SPAK-ut, aq të ulët sa edhe Erion Kasapi duket  xhentëllmen para tij!

Kjo gjuhë dhe atmosferë, sikur Sigurimsat janë kthyer nga penxherja, pasi i nxorrëm nga dera, nuk duhet toleruar më.

(Balkanweb)