Gazetari Leonard Olli, i ftuar në emisionin Log në News 24, komentoi arrestimin e kryetarit të Bashkisë së Tiranës, Erion Veliaj, nga SPAK.

Olli theksoi se Veliaj kishte ndërtuar një strukturë të fortë dhe të lidhur ngushtë me veten në Bashkinë e Tiranës, një strukturë që kishte sjellë rezultate të suksesshme në zgjedhjet e mëparshme. Sipas tij, kjo strukturë ishte mirë e organizuar dhe kishte ndikim të madh në politikën lokale.

Olli shtoi se pas arrestimit të Veliajt, do të ndjehet një boshllëk në zgjedhje, pasi ai ishte një figurë kyçe për Partinë Socialiste dhe për menaxhimin elektoral të Tiranës. Ai theksoi se arrestimi i Veliajt ishte një humbje e madhe për PS-në, jo vetëm në aspektin moral, por edhe në atë elektoral. Sipas Olli-t, arrestimi i Veliajt ishte një goditje e rëndë për partinë, pasi ai kishte qenë një figurë e rëndësishme dhe mund të konsiderohej si trashëgimtari i mundshëm i Ramës.

Leonard Olli: Veliaj në Bashkinë e Tiranës ndërtoi një strukturë të lidhur fort me veten. Kjo strukturë ka pasur rezultate në zgjedhjet e mëhershme dhe ishte në këtë lloj mekanizmi goxha të lidhur dhe të strukturuar mirë. Në momentin që Veliaj nuk është aty, besoj se do ndihet në zgjedhje. Marrja nën kontroll e Bashkisë Tiranë nga Rama bëhet dhe nga aspekti i menaxhimit elektoral. Ka qenë humbje e madhe për PS-në, në aspektin moral dhe atë atë elektoral. U godit personi që u ngrit në numrin dy të PS-së ose trashëgimtari.

(Balkanweb)