Kryetarja e Lëvizjes Socialiste për Integrim, Monika Kryemadhi, është takuar pasditen e sotme me kreun e Partisë Demokratike, Lulzim Basha.

Në takimin e zhvilluar në selinë e PD, BalkanWeb njofton se ka marrë pjesë edhe kreu i grupit parlamentar të LSI-së, Petrit Vasili.

Arsyeja e këtij takimi të dy krerëve të partive opozitare mendohet të jetë një protest që do të zhvillohet në kryeqytet gjatë këtij muaji.

Takimi mes Bashës e Kryemadhi zgjati rreth 1 orë e 30 minuta, nga 19:00 deri në 20:30.

Megjithatë ende nuk janë dhënë detaje se kur do të jetë data e saktë e protestës. Opozita ka nisur takimet me qytetarët para zhvillimit të protestës.

(e.f/BalkanWeb)