ITALI- Në Genova ekipet e shpëtimit vazhdojnë luftën me rrënojat për gjetjen e të mbijetuarve. Shpresat nuk janë shuar ende. Numri i viktimave ka shkuar në 39, e mes tyre 3 janë fëmijë, raporton TgCom.
Gusht zie në Genova, pas rënies së urës Morandi në autostradën A10. Bilanci ende i përkohshëm flet për të paktën 37 viktima të konfirmuara. Midis tyre ka edhe tre të mitur: sipas burimeve nga Ministria e Brendshme, një djalë 8-vjeçar dhe dy adoleshentë të moshës 12 dhe 13-vjeçare. Ndërkohë, në vendin e tragjedisë, vazhdojnë të gërmojnë në rrënoja në kërkim të ndonjë të zhdukuri.
Zjarrfikësit punuan gjithë natën për nxjerrjen e trupave të tjerë nga rrënojat e rrugës së shembur.
Pezullohen kërkimet për të mbijetuar në Genova
Pezullohen kërkimet për të mbijetuar të tjerë të katastrofës në Genova me dhjetëra të vdekur. Repubblica shkruan se kërkimet dhe operacionet e gërmimit janë ndërprerë rreth orës 13:00 pasi rrezikonte të shembej edhe një pjesë tjetër e urës në zonën e rrugës “Campi”.
Menjëherë pas lajmërimit të rrezikut zjarrfikësit kanë nisur verifikimet për qëndrueshmërinë e urës.
Dy nga tre zonat e kërkimit janë janë pastruar. Shkatërrues impakti në rrugë me ndikim në të gjithë zonën liguriane të autostradës. Është kërkuar gjendja e emergjencës kombëtare dhe lutja e Papës për viktimat.
Mes viktimave, 5 nuk janë identifikuar
Numri i viktimave nga shembja e urës Morandi në Genova është ende në rritje: sipas asaj që u njoftua nga Ministria e Brendshme janë 5 viktima të paidentifikuara, shkruan TgCom24. Janë 16 njerëz të plagosur, mes të cilëve 12 më rëndë.
“Raporti i viktimave i destinuar të rritet ndjeshëm”
“Numri i viktimave është ë i lartë se shifrat e dhëna mbrëmë dhe bilanci përfundimtar do të jepet kur shifrat të jenë të sigurta”. Kështu ka deklaruar presidenti i rajonit të Ligurias, Giovanni Toti, në fund të një vizite në spitalin San Martino me kryeministrin Giuseppe Conte. “Për pjesën më të madhe të të plagosurve – shtoi ai – sipas mjekëve ekzistojnë shpresa të mira për shpëtim. Ndërkohë është ende duke u gërmuar nën urë, jo të gjitha zonat janë arritur nga forcat e shpëtimit, ne po punojmë për të gjetur të zhdukurit ende të shumtë”.
(m.k/BalkanWeb)
