Televizioni News24 tashmë do të ketë edhe një figurë të re në ekran. Irida Feshti është spikerja që i bashkohet skuadrës së lajmeve në ekranin më të madh informativ në vend.

Irida ka një eksperiencë të gjatë në media dhe në ekran, ku ka punuar për shume vite në disa televizione, duke qene një nder figurat qendrore në Skan TV dhe Tema TV. Aty përveç edicioneve informative ka realizuar edhe emisione te ndryshme, me impakt për publikun për tematikat e përzgjedhura.

Vete Irida kalimin tek televizioni News24 e konsideroi një pike të rëndësishme të karrierës se saj në media, një sfide të madhe për vete rëndësinë që News24 ka si televizion qendror në tregun mediatik shqiptar dhe një pike referimi e shqiptareve brenda dhe jashtë kufijve për të marrë informacionin e shpejtë, të sakte dhe të paanshëm.

(BalkanWeb)