Trajneri i kombëtares shqiptare të futbollit, Christian Panucci, ka hedhur në gjyq ish-presidentin e Shqipërisë Bujar Nishanin.
Italiani duket ka mbetur i revoltuar nga një deklaratë e Nishanit pas ndeshjes së humbur 3-0 kundër Kosovës dhe ka vendosur të ndërmarrë masa ligjore ndaj ish-numrit 1 të shtetit.
Pas asaj ndeshjeje Nishani shkroi në rrjetet sociale se Panucci është një ‘sharlatan i cili po shkatërron edhe atë që është ndërtuar’.
Padia është depozituar në Gjykatën e Shkallës së Parë në Tiranë me datë 20 korrik 2018. Në të kërkohet dëmshpërblim në vlerën 100 mijë euro dhe përgënjeshtrimin e deklaratave.
(e.k/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
