JAPONI-Shkon të nëntë bilanci i viktimave të tërmetit të fortë që goditi ishullin e Hokkaido, në veri të Japonisë, natën e djeshme. 300 persona u plagosën dhe 30 rezultojnë ende të zhdukur.
Tërmeti i fuqishëm ka sjellë ndërprerjen e energjisë elektrike për rreth 3 milion njerëz, mbylljen e aeroportit të Sapporo si dhe bllokimin e përkohshëm të transportit rrugor dhe hekurudhor.
Gjashtë persona kanë vdekur në fshatin Atsuma, teksa një shtëpi u mbulua plotësisht nga një masiv dheu.
Qeveria ka dërguar në zonat e dëmtuara nga tërmeti 25 mijë ushtarë në kuadër të gjëndjes së emergjencës.
Autoritetet i tremben rritjes se ndjeshme të bilancit të vikimave duke qënë se shumë persona rezultojnë të humbur.
(da.xha/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
