Bashkimi Evropian bëri gjithçka mundi për të ndihmuar në miratimin e marrëveshjes së Brexit, vlerësoi kryenegociatori i BE-së për Brexit, Michel Barnier.
“Ngërçi mund të tejkalohet vetëm nga Britania e Madhe”, shkruan në Twitter Michel Barnier. “Përgatitjet e BE-së për një ndarje pa marrëveshje tani janë më të rëndësishme se kurrë”, shtoi ai.
Ditën e djeshme ligjvënësit britanik, për herë të dytë, kanë votuar kundër marrëveshjes për Brexit-in të negociuar nga qeveria britanike dhe Bashkimi Evropian duke e vënë në drejtim të panjohur procesin e daljes së vendit nga BE-ja.
BalkanWeb