Kryeministri Edi Rama në një konferencë për mediat me gazetarët, i pyetur nëse do të japë dorëheqjen, deklaroi se ky veprim do të ishte një karshëllëk. Rama u shpreh se është kryeministër për një mision të Shqipërisë dhe shqiptarëve.

“Do të ishte një karshëllëk i madh. Do të ishte karshëllëk, sepse unë këtu, në këtë pozicion, pra kryeministër nuk jam për qejf. Jam këtu për t’iu shërbyer shumicës të shqiptarëve që më kanë zgjedhur.

Këtu nuk shërben shprehja ‘Hapi rrugën budallait’. Kjo sepse bëhet fjalë për jetën e vendit dhe jo për timen. Shqipëria ndodhet në një rrugë të rëndësishme dhe mund të hapen negociatat dhe këto karshëllëqe do të ishin të rrezikshme”, deklaroi Rama.

(d.xh/ Balkanweb)