TIRANE– Deputeti i Partisë Demokratike, Oerd Bylykbashi, ka sqaruar mundësitë për ndryshimin e datës së zgjedhjeve. Përmes një postimi në rrjetin social “Facebook”, deputeti Bylykbashi thotë se Kushtetuta parashikon që zgjedhjet zhvillohen në periudhën zgjedhore që i paraprin fundit të mandatit, pra që i paraprin 9 shtatorit 2017.

Deputeti demokrat sqaron se Kushtetuta përcakton se periudha zgjedhore përcaktohet nga Kodi Zgjedhor, dhe sipas tij “e vetmja gjë qe detyron Kushtetuta është që data e zgjedhjeve të caktohet para fundit të mandatit”.

Ai sqaron se data 18 qershor e dekretuar nga Presidenti Nishani për zgjedhjet parlamentare është thjesht ligjore dhe jo kushtetuese. Sipas tij, periudhat zgjedhore në Kodin Zgjedhor (pra në ligj dhe jo në Kushtetutë) janë dy: e pranverës 15 mars – 30 qershor dhe e vjeshtës 15 shtator – 30 nëntor, dhe data e zgjedhjes mund të përcaktohej një tjetër.

SHPJEGIMI I PLOTË
Shpjegim i thjeshtuar për Kryeministrin dhe ndonjë analist për datën e zgjedhjeve.

Dëgjova mbrëmë një analist qe fliste me “kompetence” se Kushtetuta nuk lejon ndryshimin e datës se zgjedhjeve dhe binte dakord me Kryeministrin qe e refuzonte ndryshimin e datës dhe me vinte për te qeshur, sepse bashke me një koleg i kemi shkruar këto dispozita te Kushtetutës ne 2008. Le ta mbyllim një here e mire këtë argument qesharak.

Kushtetuta nuk cakton asnjë date për zhvillimin e zgjedhjeve. Kushtetuta përcakton rregullin qe llogarit vetëm fundin e mandatit i cili është data 9 shtator 2017 (Kushtetuta neni 65, pika 1).
Kushtetuta përcakton se zgjedhjet zhvillohen ne periudhën zgjedhore qe i paraprin fundit te mandatit, pra qe i paraprin 9 shtatorit. Kushtetuta përcakton se periudha zgjedhore përcaktohet nga Kodi Zgjedhor. (Kushtetuta neni 65, pika 2). Pra e vetmja gjë qe detyron Kushtetuta është qe data e zgjedhjeve te caktohet para fundit te mandatit. Pike!

Periudhat zgjedhore ne Kodin Zgjedhor (pra ne ligj dhe jo ne Kushtetute) janë dy: e pranverës 15 mars – 30 qershor dhe e vjeshtës 15 shtator – 30 nëntor. Presidenti mund te caktonte datën ne një nga dy te dielat e fundit te periudhës zgjedhore qe i paraprin 9 shtatorit (Kodi Zgjedhor nenet 8 dhe 9), pra ose 18 ose 25 korrik 2017. Presidenti zgjodhi datën 18 qershor. Pra data është thjesht ligjore dhe jo kushtetuese. Nëse Kodi do caktonte një periudhe tjetër para 9 shtatorit, data do ishte një tjetër dhe jo 18 qershori.

Nëse parlamenti vendos qe për këto zgjedhje apo gjithmonë, periudha e zgjedhjeve te jete një periudhe tjetër, mund ta ndryshoje Kodin tani me vetëm 84 vota dhe pa ndryshuar Kushtetutën. Dhe parlamenti mund te caktoje çdo te diele deri me 3 shtator (sepse 3 shtatori është e Diela e fundit para datës 9 shtator) si date te zgjedhjeve, vetëm duke ndryshuar ligjin pa patur nevoje te ndryshoje Kushtetutën.
A mund te zhvillohen zgjedhjet pas datës 9 shtator? Po! Mjafton një dispozite tranzitore e thjeshte qe është shume me pak e shëmtuar se ai aneksi i tmerrshëm qe u miratua për reformën ne drejtësi qe nuk e ka asnjë kushtetute e botes.

Kur deshi Rama te shtynte zgjedhjet me sebepin e certifikatave, ne 2007 Kodi u ndryshua për te shtyre datën e zgjedhjeve. Zgjedhjet ishin dekretuar për datën 20 janar 2007, me date 13 janar u ndryshua ligji qe detyronte presidentin te dekretonte një date te re jo me vone se 20 shkurt 2007. Presidenti i dekretoi për datën 18 shkurt 2007. Nëse nuk e mbani mend, shihni këtë foto. Ndërsa Kryeministri dhe analisti te lexojnë nenet me sipër dhe Kodin Zgjedhor.

(el.sp/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb