Thuhet se Adele ka refuzuar një pagesë prej 200 milionë dollarësh për të qenë me familjen e saj.

Këngëtarja 36-vjeçare kohët e fundit u tha fansave në shfaqjet e saj në Mynih se do të merrte një pushim të gjatë nga muzika:

“Nuk do t’ju shoh për një kohë tepër të gjatë. Më duhet një pushim. Kam kaluar shtatë vitet e fundit duke ndërtuar një jetë të re për veten time dhe dua ta jetoj atë tani.”

Tani, Daily Mail pretendon se këngëtarja ka refuzuar ofertën e një shfaqjeje në një kazino në Macau, Kinë, ku do të ishte paguar 200 milionë dollarë.

Një burim i brendshëm i tha medias:

“Ka pasur shumë oferta, por ajo i ka refuzuar të gjitha sepse dëshiron të jetë në shtëpi me fëmijën e saj. Marrëveshja kineze vuri miliona dollarë në tryezë, por ajo nuk donte ta bënte në fund. Ajo ka vënë fëmijën dhe të dashurin e saj – dhe veten – në radhë të parë.”

Adele ka qenë e angazhuar në koncertet e saj ‘Weekends With Adele’ në The Colosseum në Caesars Palace, Las Vegas, që nga nëntori i vitit 2022. Shfaqjet do të përfundojnë më 23 nëntor të këtij viti dhe më pas këngëtarja mund të kalojë kohë me të dashurin Rich Paul dhe djalin e saj Angelo.