Rritja e temperaturave duhet të shkaktojë një ” alarm të kuq ” global , tha shefi i agjencisë së motit dhe klimës së Kombeve të Bashkuara, pasi indekset globale të nxehtësisë thyen përsëri rekorde në gusht.

Bota pa temperatura mesatare rekord në gusht për të dytin vit radhazi, treguan të dhënat paraprake nga monitoruesi i klimës i BE-së i parë nga AFP.

Bota pa temperatura mesatare rekord të larta në gusht për të dytin vit radhazi, sipas të dhënave paraprake të klimës së BE-së të parë nga AFP, ku Australia, Japonia, pjesë të Kinës dhe Norvegjisë përjetuan gushtin e tyre më të nxehtë.

“Është e qartë se temperaturat po rriten… mbi atë që do të donim”, tha Celeste Saulo, kreu i Organizatës Botërore Meteorologjike (WMO).

“Dhe kjo është për shkak se veprimi nuk është i mjaftueshëm.”

Ndërsa temperatura mesatare e saktë globale për gushtin 2024 nuk dihet ende, Shërbimi i Ndryshimeve Klimatike të BE-së Copernicus ( C3S ) ka vendosur se do të jetë mbi rekordin 16.82 gradë Celsius (62.28 Fahrenheit) të matur në gusht të vitit të kaluar.

Saulo bëri thirrje gjithashtu për monitorim dhe mbështetje më të mirë për agjencitë meteorologjike, duke shtuar se “ne kemi nevojë për më shumë burime”.

Forumi vjen disa ditë pasi WMO publikoi vlerësimin e saj të fundit mbi ndikimet e ndryshimeve klimatike në Azi dhe Paqësor, duke paralajmëruar se rritja e nivelit të detit është mbi mesataren në shumë zona.

Dhe rekordi i gushtit vazhdon një varg thuajse të pandërprerë 15-mujor, ku çdo muaj eklipson rekordin e tij të temperaturës për kohën e vitit, sipas C3S.

Forumi i klimës njoftoi gjithashtu përcaktimin e Singaporit si një qendër rajonale për monitorimin e ndotjes së shkaktuar nga zjarri i bimësisë dhe tymi.

Një nga vetëm dy qendrat e tilla në botë, objekti do të ofrojë informacion më cilësor mbi zjarret dhe parashikimet e ndotjes, duke mbyllur një boshllëk në të dhënat rajonale, thanë zyrtarët.

(A.A/BalkanWeb)