Agjërimi me ndërprerje, i njohur për përfitimet e tij në humbjen e peshës dhe shëndetin metabolik, mund të ketë një efekt anësor që s’e kishit menduar: rënien e flokëve. Një studim i botuar në revistën Cell nga shkencëtarët në Universitetin Westlake në Zhejiang, Kinë, ka zbuluar se kjo praktikë mund të ndryshojë ciklin e rritjes së flokëve.

Hulumtimi, i kryer te minjtë, tregoi se kufizimi i zgjatur i kalorive, karakteristikë e agjërimit të ndërprerë, mund t’i mbajë folikulat e flokëve në një fazë më të gjatë pushimi, duke reduktuar aftësinë e tyre për t’u rigjeneruar. Kjo sugjeron që stresi i krijuar nga mungesa e ushqimit për periudha të gjata mund të ndikojë jo vetëm te flokët, por edhe në funksione të tjera thelbësore të trupit.

Edhe pse studimi është kryer te kafshët, studiuesit theksojnë se ai është një pikënisje për ekzaminimin e efekteve të mundshme negative te njerëzit, duke nënvizuar nevojën për studime të mëtejshme në këtë drejtim.

“Ne nuk duam t’i trembim njerëzit që të mos praktikojnë agjërimin me ndërprerje, është e rëndësishme të kihet parasysh se mund të ketë disa efekte të padëshiruara,” shpjegojnë ata.

Përfitimet e agjërimit me ndërprerje (fasting):

Humbja e peshës: ndihmon në reduktimin e marrjes totale të kalorive.

Ndjeshmëri e përmirësuar ndaj insulinës: reduktim i mundshëm i rrezikut të diabetit të tipit 2.

Inflamacion i reduktuar: ndikim pozitiv në sëmundjet inflamatore.

Promovimi i autofagjisë: një proces i rinovimit qelizor që mund të vonojë plakjen.

Thjeshtimi i rutinës: më pak fokus në planifikimin e vakteve.

Agjërimi me ndërprerje (fasting) mund të shkaktojë

Disavantazhet:

Humbja e flokëve: efekt i mundshëm negativ në ciklin e flokëve, sipas studimit.

Stresi në trup: periudhat e gjata pa ushqim mund të shkaktojnë çekuilibër hormonal.

Lodhje dhe vështirësi në përqendrim: veçanërisht në fillim të praktikës.

Rreziku i çrregullimeve të të ngrënit: Te njerëzit vulnerabël, mund të shkaktojë sjellje jo të shëndetshme.

Jo i përshtatshëm për të gjithë: njerëzit me kushte specifike shëndetësore (të tilla si gratë shtatzëna, diabetikët ose ata që janë nën peshë) duhet ta shmangin atë ose ta bëjnë nën mbikëqyrje mjekësore.