Kreu i Partisë Agrare Ambientaliste, Agron Duka, njëherësh aleat i Lulzim Bashës, ka deklaruar se 30 qershori nuk e zgjidhi krizën.

Në një reagim në “Facebook” pas mbylljes së votimeve, Duka shkruan se 30 qershori tregoi se kriza e numrave brenda mazhorancës është arsyeja pse nuk i hapet rrugë qeverisë tranzitore, pse nuk i hapet rrugë zgjedhjeve të lira dhe të ndershme.

“Ndoshta ata që nuk shkuan në votime s’janë të gjithë me opozitën, por me siguri janë të gjithë në opozitë me mazhorancën. 30 qershori nuk zgjidhi krizën, por tregoi se kriza e numrave brenda mazhorancës është arsyeja pse nuk i hapet rrugë qeverisë tranzitore, pse nuk i hapet rrugë zgjedhjeve të lira dhe të ndershme”, shkruan Duka.

(BalkanWeb)