Një aksident rrugor ka ndodhur këtë mëngjes në aksin Kakavijë-Gjirokastër.

Ngjarja është shënuar në afërsi të Derviçanit, ndërsa kanë mbetur të plagosur gjashtë persona, përkatësisht dy fëmijë të mitur, dy gra dhe dy burra.

Raportohet se dy makina janë përplasur me njëra-tjetrën,  duke plagosur rëndë disa prej personave të përfshirë në aksident, të cilët mësohet se janë në reanimacion me fraktura.

Siç shihet edhe nga pamjet e siguruara nga “BalkanWeb”, njëri prej mjeteve të përfshira në aksident është i tipit “Fuoristradë” dhe ka “fluturuar” jashtë rrugës, duke u shkatërruar plotësisht.

(BalkanWeb)