FUSHE KRUJE- Një aksident me pasojë një të vdekur ka ndodhur rreth mesditës së sotme në aksin rrugor Fushë Krujë-Laç.
Mësohet se një makinë ka përplasur për vdekje një këmbësore pranë fshatit Gjormë. Viktima është Davida Doda, 23 vjeçe.
Mësohet se e reja është përplasur për vdekje nga një mjet me targa të huaja. Forca policie në vendngjarje kanë nisur hetimet për zbardhjen e plotë të shkaqeve dhe rrethanave.
Njoftimi i policisë:
Më datë 21.11.2017, rreth orës 11:06 është marrë njoftim se në aksin rrugor Lezhë-Tiranë, në afërsi të një karburanti ka ndodhur një aksident.
Menjëherë në vendngjarje kanë mbëritur shërbimet e policisë ku kanë konstatuar se:
Automjeti me targa 01-959KF me drejtues shtetasin G.S., 30 vjeç, ka përplasur për vdekje shtetasen D.N.,23 vjeçe.
Grupi hetimor në vendngjarje po punon për zbardhjen e plotë të shkaqeve te aksidentit. Drejtuesi i automjetit është shoqëruar në Komisariatin e Policisë për veprime të mëtejshme.
(d.d/BalkanWeb)