BULQIZE
Një aksident ka ndodhur sot në Qafë-Buall të Bulqizës, duke shënuar plagosjen e 4 personave. Menjëherë pas aksidentit 2 prej te plagosurve janë nisur drejt Tiranës.
Burime për “BalkanWeb” bëjnë me dije se shkak i aksidentit dyshohet se është bërë parakalimi i kamionit nga një autoveturë, e cila më pas ka dalë nga rruga.
Mësohet se makina ka dalë nga rruga në momentin që ka parakaluar kamionin. Të plagosurit janë identifikuar si Hysni Jahurri, 58 vjeç nga Mamurrasi; Vladimir Elezi, 42 vjeç nga Klosi; Altin Tosku 23 vjeç nga Klosi; Mehmet Liçi, 59 vjeç nga Klosi.
Ndërkaq forca të shumta policie ndodhen në vendin e ngjarjes, për të dokumentuar rrethanat e mundshme të aksidentit.
(BalkanWeb)