Një aksident me vdekje ka ndodhur sot pasdite në zonën e ish-Kënetës në Durrës.

Një makinë ka përplasur një person që ishte duke lëvizur me biçikletë.

Personi që ngiste biçikletën për pasojë është përplasur në asfalt e ka ndërruar jetë.

Autori është larguar nga vendi i ngjarjes, ndërsa policia ka nisur hetimet.

Njoftimi i policisë:

Durrës/Informacion paraprak

Rreth orës 17:30, në lagjen 15 Durrës, një automjet ende i pa identifikuar, ka përplasur biçiklistin shtetasin P. N., 40 vjeç.

Si pasojë e përplasjes ka humbur jetën shtetasi P. N.

Drejtuesi i automjetit është larguar nga vëndi i ngjarjes dhe vijon puna për kapjen e tij.

Grupi hetimor ndodhet në vendngjarje dhe nën drejtimin e Prokurorisë  po punon për sqarimin e rrethanave dhe shkakut  të aksidentit.

(Balkanweb)